13 april 17.40 Gisteraovend hek de prachtige en ontroerende film Alpha bekeken. Wat mooi! Et verhael speulde lange leden, tiedens de laeste iestied, en et gong over de vrundschop tussen de zeune van een opperheufd van een stamme en een wolf. Ze hulpen mekaander omstebeurten om te overleven in een barre winter. Ik hebbe in tieden niet zoen mooie film zien!
  Gister hek een ontbijtkoeke mit walneuten en rezienen bakt. Ik laote een koeke altied een naacht staon te bekommen en dan pas snie ik dr plakkies van. Veurdawwe vandaege op stap gaon binnen, hewwe dr een plakkien van had. Hiel lekker! We bin vandaege naor de bollevelden in Noord-Hollaand west. De omkrieten van Anna Paulowna en Breezaand. We weren aenlik een betien te vroeg. De meerste tulpen bluuiden nog niet, mar de tietelozen, hiasinten, blauwe en witte droefies volop. Een prachtig gezicht! Op e weerommereize hewwe in Den Oever, krek as een weekmennig leden, elk een lekker bakkien kibbeling kocht in Viscenter t Wad. Et was een koolde, mar mooie dag! Hieronder twie foto s van vandaege: velden vol tietelozen en hiasinten.


Naor de veurige bladziede